A chaschun dal di da partida extraordinari ha la PS Grischun nominà cun grond applaus Jon Pult sco candidat per il Cussegl federal. Pult ha punctuà anc ina giada che sia candidatura stat per coesiun e diversitad. Sia partida al ha attestà cumpetenza da manar ed experientscha politica.
La proposta da la direcziun da la PS Grischun era clera ed exact uschè evidenta era la decisiun dal di da partida extraordinari da la PS Grischun a Cuira. Cun grond applaus ha el nominà Jon Pult sco candidat per il Cussegl federal per mauns da la fracziun parlamentara federala.
Nova generaziun
Avant che Pult ha salvà ses pled en la sala da la PDGR Waldhaus, èn stads vidlonder il president da partida Andri Perl e la vicepresidenta Julia Müller. Omadus han accentuà ils merits da Pult per la PS Grischun. I sia stà el che haja fatg da la partida in’organisaziun che senta il puls da la populaziun e che saja malgrà quai abla da guardar lunsch enavant. Plinavant represchentia Pult a Berna ina nova generaziun per la quala las consequenzas da la crisa climatica èn da sentir immediatamain.
Cun bler experientscha
Ma er la generaziun arrivada da la PS Grischun sustegna Jon Pult. Uschia han il president da la regenza Peter Peyer e la presidenta da fracziun Beatrice Baselgia attestà a lur Cusseglier naziunal extraordinaria cumpetenza da manar. Els han mussà vi che Jon Pult porta dapi 20 onns responsabladad politica – senza excepziun en funcziun directiva. Ch’el haja uschè spert sa fatg in num a Berna saja perquai tut auter ch’ina surpresa.
Candidatura per coesiun e diversitad
Pult sez ha fatg cler per tge che sia candidatura stat, numnadamain per coesiun e diversitad. El ha explitgà ch’el conuschia tant la realitad da vita dals centers urbans sco er quella da la Svizra perifera. Vegn vitier che Pult discurra tut las quatter linguas naziunalas. En detagl ha Pult menziunà il provediment medicinal da basa, la crisa climatica e la relaziun cun l’Europa sco pli grondas sfidas. Tar la basa da la PS Grischun han ses pleds chattà grond consentiment. Cun entusiassem ha ella nominà Pult.
