Il chantun Grischun negligescha dumondas centralas dal progress e da la qualitad da vita. Quai maina a la depopulaziun. Be sche nus daventain pli attractivs sco lieu d’abitar e da lavur, pudain nus impedir l’emigraziun da las valladas. La ps postulescha in’economia che recumpensa la vaira lavur e betg il capital. Nus duvrain bunas pajas, ina megliera cumpatibilitad da famiglia e professiun e spazi d’abitar pajabel. Presidiada vegn la cumissiun spezialisada Silvia Bisculm.