Il vendergis, ils 31 da mars envida la PS/SP-Surselva ad in ulteriura «Sentupada – tedlar e discutar», quella gada a Tenna en Stussavgia. Buca per nuot sentaup’ins en quella vischnaunca muntagnarda, enconuschenta per siu spért innovativ, han ins gie aviert cheu avon 12 onns il runal solar da Tenna. Ei discuteschan Roger Nordmann, president dalla fracziun dalla PS Svizra, commember dalla UREK-N (Cummissiun per Ambient, Planisaziun spaziala ed Energia dil Cussegl naziunal) ed autur dil cudisch «Sonne für den Klimaschutz» ensemen cun ina dallas iniziantas dil runal solar, Felicia Montalta, ed il president dalla societad cooperativa, Simon Zellweger, davart la tematica «Muossavia per in project solar da success». L’energia solara para dad esser la strada imperiala ord la crisa energetica. Co sa il territori alpin surprender sia rolla-clav? Tgei savein nus emprender dil success dil project runal solar? L’occurenza ei publica e mintgin:a astga presentar sias atgnas ponderaziuns ella discussiun cullas persunas dil fatg envidadas. Collecta per cuvierer ils cuosts. Hotel alpin «Alpenblick» Tenna, allas 19:30. Persuna da contact: Martin Kreiliger ing. forest. ETH, guid da muntogna, deputau Sut Baselgia 1 7180 Disentis/Mustér 079 273 36 29 mkreiliger@bluewin.ch