Ad il di da partida ils 15 d’avrigl ha la PS Grischun nominà las candidatas ed ils candidats per las elecziuns dal Cussegl naziunal. Sper il cusseglier naziunal en uffizi Jon Pult trametta la PS Franziska Preisig, Renate Rutishauser, Michal Hohl e Tobias Rettich en la cursa. La finamira è da defender omadus sezs en il Cussegl naziunal.
Bun tschient commembras e commembers preschents da la partida han la sonda suentermezdi en il B12 a Cuira nominà las candidatas ed ils candidats da la PS Grischun per il Cussegl naziunal. Suan- dond la proposta da la gestiun han els plazzà il cusseglier naziunal en uffizi Jon Pult sin plaz in da la glista. Sin plaz dus ha la basa da la PS fixà Franziska Preisig, deputada da Samedan en il Cussegl grond. Plaz trais da la glista occupa la deputada tumleastgina en il Cussegl grond Renate Rutishau- ser entant che Michal Hohl, la quala candidescha questa stad per l’executiva da Glion va sin plaz quatter da la glista en il cumbat electoral. Il tschintgavel plaz da la glista è vegnì decidi tras in’elecziun tranter Lukas Bardill e Tobias Rettich. En quest connex ha Rettich sa profilà.
Cumbat electoral plain fidanza
La PS è plain fidanza da defender ses sezs en il Cussegl naziunal cun questa glista ferma e diversa. Er sche Sandra Locher Benguerel na sa metta betg pli a disposiziun l’atun, sa chatta la partida en ina meglra posiziun che avant quatter onns, cura ch’ella ha lutgà senza deputadas e deputàs en uffizi. Cun Jon Pult maina in socialdemocrat enconuschent en tut la sivzra la glista. Il vicepresident da la PS Svizra ha gia s’etablì en l’emprima legislatura sco manader dals temas politics da clima, traffic ed Eu- ropa. Franziska Preisig ha gia cuntanschì in fitg bun resultat en las davosas elecziuns dal Cussegl naziunal ed ha spezialmain en l’Engiadina Ota acquistà in num sco curaschusa cumbattanta per il spazi d’abitar stabel. Renate Rutishauser enconuscha ins en il chantun sco chau da l’iniziativa da tgira plain success; Michal Hohl è co-presidenta da la PS Surselva prosperonda e s’engascha en il sectur da furmaziun. Tobias Rettich è responsabel per bleras intervenziuns politicas reussidas – per exempel per in’effectiva politica preventiva tar dependenzas ni per la plurilinguitad dal chantun.
Basa engaschada e speranza sin allianza dal clima
Sco en ils davos onns involva la PS Grischun sia basa activamain en il cumbat electoral. Saja quai cun bleras acziuns sin las vias, brevs da lecur:a:s ni telefonadas. La coordinaziun surpiglia Seraina Schutz da Filisur, presidenta da la PS Alvra-Surses. Decisiv per il success electoral è er la colliaziun da glistas. La PS è anc adina plain fidanza d’entrar l’allianza dal clima cun la partida verd-liberala ed ils verds che è sa cumprovada, per maximar la schanza per dus sezs progressivs ed ecologics en il Cussegl naziunal.
