Resultat da record: Daners per in fondo per spazi d’abitar
Dapi onns èsi il medem gieu: Il chantun budgetescha cifras cotschnas e suggerescha cun quai pressiun da spargnar, entant ch’il retgav da l’onn demussa lura in gudogn gigantic. La ps pretenda ch’il nov resultat da record vegnia investà per il cumbat cunter la mancanza d’abitaziuns en il Grischun. Ed il chantun duai far quai cun stgaffir in fondo per spazi d’abitar ed al alimentar cun 250 miliuns francs.
